唔知你有冇發現，喺HR嘅工作入面，每日你都有機會運用到談判技巧。

 

1.處理員工糾紛

 

有一種HR係無名英雄，有能力將大大小小嘅員工糾紛，大事化小、小事化無。談判當中就有一啲提問題技巧，可以避免激起對方防衛心理，慢慢幫你喺對談中搵出解決方案。

 

2.應對各部門需求

 

每個部門都想有更多資源、包括人手、加人工、津貼等等，但事實係公司資源永遠有限，無可能回應所有需求。有時亦會因為資源限制而引起衝突，呢個時侯HR就需要用談判技巧去化解。

 

3.商議薪酬

 

招聘去到最後臨門一脚就係商議薪酬，有時雙方要求難免會有落差，就需要HR喺中間做個平衡。好多人以為HR一定係幫公司，但事實通常都唔一定係咁，有時HR要negotiate嘅對象唔係求職者，反而係令部門主管同candidate達成一致更重要。

 

4.工會談判

 

如果你公司有工會，或者將來轉工可能要面對工會，談判技巧就更不可或缺。避免激埋起情緒引發工業行動，運用談判技巧搵出對方心中嘅hidden agenda就更加重要。

 
作為周身刀嘅HR，談判係其中經常用到嘅技巧，今次我哋同香港調解專業協會合辦咗一個《人力資源專業談判技巧及實戰課程》，內容為HR專為設計，完成後仲可以得到香港調解專業協會所發出嘅證書，有興趣請勿錯過。