MP HR Community x LinkedIn HR 交流會

MP HR Community喺2019年4月25日同LinkedIn合辦咗一個HR Networking活動。喺活動當中我地邀請咗LinkedIn嘅同事同我地分享咗Social Recruiting同Employer Branding兩個熱門題目，亦進行咗一個panel discussion探討招聘嘅挑戰。

因為我知道有好多HR朋友想參加但因為名額問題參加唔到，所以寫返少少當日嘅資訊同大家分享。

當日LinkedIn分享咗好多有用嘅資訊畀我地，根據一個Employee Value Proposition調查，香港員工喺工作上最重視嘅頭三位係：

1.Excellent compensation & benefits
2.Good work-life balance
3.Open & effective management

亞太區：

1.Good work-life balance
2.Excellent compensation & benefits
3.Colleagues and culture that inspire employees to do their best

美國：
1.Excellent compensation & benefits
2.Good work-life balance
3.Colleagues and culture that inspire employees to do their best

歐洲：
1.Good work-life balance
2.Excellent compensation & benefits
3.Challenging work

喺香港，今日要吸引人才除咗要有好嘅C&B package之外，更要令員工有更好嘅work-life balance，而且求職者亦特別重視公司管理是否開放同有效率。

當日講者亦分享到今日我地HR需要將Marketing mindset擺喺recruitment上面。有調查指出今日嘅求職者越嚟越重視朋輩間對公司嘅分享同評價。喺搵工之前，佢地會做充足嘅research，睇下間公司值唔值得入去發展，所以今日要更重視 Recruitment Marketing及Employer Branding。

同時，大家要分清楚Corporate Branding同Employer Branding嘅分別，客戶會買你嘅產品，唔等於佢地會想成為你嘅員工。Employer Branding需要由HR慢慢去建立，大家亦可以同marketing傾下，由運用公司social media開始去攪好Employer Branding。

一向大家都應該有聽聞LinkedIn非常重視辦公室嘅設計，當日完咗之後LinkedIn同事帶我地一班HR參觀咗LinkedIn非常有特色嘅辦公室，呢度有少少相同大家開心share下。