面試Long Distance

小薯：「你好呀！我地係薯仔公司打嚟，收到你申請左做薯皮，想約你下星期一上午10點interview。」
求職者：「星期一我ok，但依個時間我唔得呀！」
小薯：「請問你係有其他野做或者有咩原因? 因為interviewer得呢個時間ok。」
求職者：「我住新界，好遠㗎，我驚趕唔切，可唔可以改晏啲？」
小薯：「明白！咁我睇下可唔可以再schedule過另一個時間，有消息再聯絡你啦！」

大家嘅距離這麽近那遠，你係新界我地係港島，係同一個10點嘅平行時空，我已經係office工作拼命去生存，而你可能係屋企啱啱瞓醒諗緊食咩早餐好。依種Long Distance嘅關係好難維持落去。正所謂勉強無幸福，話就話有消息會聯絡你，心水清嘅都估到就算有咩消息我地都唔會再聯絡佢。當你見份工嘅返工時間係9點，連10點見工都做唔到，如果真係請左你，你係咪會唔返工或者日日遲到？

有時求職者可能因為有其他事而想改interview時間，我地都會明白盡量配合。但因為覺得時間早而又住得遠，依個理由可能有點牽強。

好多人以為interview係入房傾嗰刻先開始，但其實由你接電話一刻已經開始。雖然打俾你嗰個未必係interviewer，但佢轉頭就要report返俾interviewer聽有條友仔唔肯10點上嚟，印象分即時大減，所以千祈唔好大意呀！