[薯蓉信箱] 應做夠一年先轉工嗎?

1. 問:我返咗份新工半年，但工作性質同入職前講嘅唔同，我應唔應該轉工？定應該做夠一年先轉？

答：我唔太讚成因為驚整花CV而委屈自己唔轉工，咁樣只會浪費人生。如果真係好清楚唔適合，當然應該轉，但每次轉工都要想清楚，點解唔適合自己？同埋乜嘢先適合自己？唔係就好易跌入惡性循環。

好多人會怕畀interviewer問點解咁短時間轉工，其實只要解釋合理，僱主大多會接受。呢個情況只要坦白解釋份工點樣唔啱自己，講返自己想做嘅工作內容就可以了。

2. 問:最近轉咗份新工，但做咗兩個月打算轉工，應唔應該將呢份工寫落CV度？

答：我地考慮寫唔寫，要考慮埋份工作本身喺CV上嘅重要性。例如呢兩個月嘅經驗雖然唔長，但工作經驗會否好有價值？如有，你就應該寫落去，當然，你亦要準備一個合理嘅離職原因。

一般都太唔建議隱瞞，但如選擇唔寫，要考慮行頭會否好狹窄，好容易被發現你做過邊間公司？如唔寫，亦要想方法合理解釋空白期。