近幾年HRBP開始喺香港興起，聽好多HR朋友講都有興趣行呢個方向。做HRBP挑戰性絕對唔細，要舖路成為真正嘅HRBP，呢5件事你一定要知。
1.行業行情知幾多？
傳統HR通常唔太了解業務，但HRBP職責以幫助公司業務為大前提。例如做酒店，你知唔知公司啲房租點計、隔離行家啲房又賣緊幾錢？公司又有咩策略？如果有興趣做HRBP，要跳出HR框框，而家就要開始了解公司業務、行業嘅行情。
2.愛上BU (Business Unit) 吧
HRBP唔易做，各BU主管喺自己部門有N年經驗，你呢位行外人走嚟同佢出謀獻策，佢會覺得「點解我要聽你講？」
事實上呢點係好多HRBP嘅挑戰，其中一個重要職責就係同佢地打好關係，令佢明白你會不顧安危誓死都一齊，直至佢肯相信有這種真愛會留低為止。不過呢啲唔係一朝一夕，未做HRBP前，其實你都可以開始嘗試愛上佢地。
3.不妨All round點
如果你係專做HR某個role就要留意，HRBP呢個角色需要多方面技能，淨係識做Specialist係唔夠。法例、請人、員工關係、培訓，甚至Marketing、銷售等等樣樣都識，咁先可以做好BU同公司HR之間嘅橋樑，為佢地提供最全面又貼心嘅服務。
4.假的BP真不了
HRBP係一個趨勢，但亦都因為咁，有啲公司為咗收多幾份CV，會就咁幾HR個名改做HRBP，但事實仍然係傳統到一個點嘅HR，所以大家要睇清楚個JD同埋interview時問清楚，小心選擇。
5.係咪同payroll講byebye？
有朝一日成為HRBP，你可能會幻想唔駛再趕Payroll或做HR Operation工作，但唔好太天真，因為HRBP喺香港好多公司運行未算成熟或剛起步，難免要兼顧傳統HR工作。不過大家可以了解下公司對呢個位嘅期望，話唔定明天會更好。
HRBP博大精深，呢度恕小弟幾百字講唔曬，如果你想深入了解多啲HRBP，MP HR Community將會舉辦《認識HRBP》互動工作坊，搵嚟專業嘅HRBP嚟同大家探討一下～有興趣可按下面連結了解更多。
WhatsApp查詢