如果你覺得HR請人會擺出宇宙大王嘅霸氣姿態，咁你可能仲活喺幾廿年前嘅世界，快啲坐返時光機返來啦喂～
話你知，現實世界係咁嘅：
「喂，呢份CV正喎！5粒星！」
同事尼克真大王以接近光速嘅動作拎起枱頭電話打畀呢位five stars candidate。
「親，我係薯仔公司嘅HR，姓尼的，我地收到你份CV申請薯仔速遞員，希望約你interview。」
「哦⋯⋯其實我另一份工有offer喇。」
尼克真大王心知不妙，一嚟就出有offer呢招？莫非5粒星就咁燒焦？作為專業嘅HR，聽到人地話有offer都要臨危不亂，唔可以咁輕易就放棄㗎！尼克真大王於是迅速作出還擊。
「親，其實你會唔會再考慮見埋我地呢份先決定呀？」
「呀⋯⋯」
佢猶豫呀！係機會呀大王！
「親，我地有完善嘅薪酬福利制度，工作時間又有彈性，有N日有薪年假，做得耐仲會有得加，牙醫西醫中醫樣樣齊，13個月糧加花紅，有勤工獎，平時仲有人批生果你食⋯⋯下刪N字」
尼克真大王心諗咁sell法點都會有少少心動掛⋯
「呀⋯⋯」
「親，可以考慮下喎。」
「呀⋯⋯」
「人地個返工地點近啲呀，唔好意思。」
啪！
對方以超越光速嘅速度收咗佢線⋯
「親！親～～～～」
收線後，尼克真大王表示要準備自己落去做速遞⋯⋯
而家請人真係好L難，這就是HR在現實中的生存實況 句號
圖片來源：龍珠、IQ博士
WhatsApp查詢