HR出名女仔多，要埋堆就要變成佢地嘅一份子，唔好以為同佢地講下韓劇或者湊仔經就可以埋到堆，要變成佢地一份子就要變得撤底啲，最快捷方法就係引刀成一快，徹徹底底咁變成佢地，你，準備好未？

第二式：若不自宮，也能成功

如果你已經急不及待引刀成一快⋯⋯唔好意思，我只能夠講聲sor9ry。做HR細心好重要，所有嘢都唔該你由頭到尾睇清睇楚先好開始做，一個急字就會做錯好多野。止完血之後，快啲返埋位做嘢，唔該下次小心啲。

第三式：即使自宮，未必成功

唔好以為引刀成一快之後，埋咗堆你就可以得心應手。喺辦公室入面，人同人之間可唔可以相處得嚟，並唔係用性別去區分，就算同性相處亦唔見得簡單。所以就算切得幾徹底，都未必會成功。

第四式：若要成功，不要自宮

埋堆走捷徑呢啲旁門左道並唔係成功之道，盲目附和最終好可能係攬炒。學咪咪姐話齋，最緊要梗係要有實力，得閒睇多幾條案例好過成日諗點樣埋堆。所以呢，若要成功，不要自宮；就算自咗宮，未算廢武功；認住金X鐘，駁返好輕鬆。