呢日係Black Monday，HR同事阿凡達正在追趕那條payroll死線，同時應付完幾個interviews，面色開始泛藍，正頻臨崩潰之邊緣。
就喺呢個時候，有位同事好悠閒咁走入嚟HR，佢係烤薯部嘅同事Monday。
「禾想搵人幫禾吮風扇呀！」
聽到一頭問號嘅阿凡達望一望Monday，問佢：
「你想吮咩話？」
Monday知佢聽唔明，於是用返純正嘅普通話：
「我想找你們幫我出一封信呀。」
「哦，你想出公司信？」
「是呀，我要去日本旅行。」
是咁的，因為Monday係內地人，佢嚟香港讀完Master之後就用IANG簽證留喺香港做嘢，所以佢去日本係需要簽證，而申請簽證，係需要一封公司證明信。
「好呀，你寫低電話畀我，做好通知你。」
「不用啦～我一個小時回來吧～」
阿凡達呆一呆，一個鐘？！
「一個小時？不可能，最快要兩個工作天。」
「甚麼？？那麼久？！我都預約了明天去領事館辦簽證呀。」
亞凡達聽到面都藍曬，藍血快從嘴角流出，佢都係決定講返廣東話。
「聽日？點解你唔早啲嚟申請呀？」
「禾典知你地咁慢，吮風扇都要吮兩日？」
「係呀，吮完仲要畀老細千(簽)㗎。」
「吮風扇有多難呀？禾真的是天日要呀。」
聽到呢度，阿凡達心裏已充滿了廣東話助語詞⋯正想爆出嚟之際，佢諗起思師嘅教晦：
「若要生活好，勿鬧人老母。」
作為專業嘅HR又點可以鬧同事老母呢，「去去老母走！」阿凡達心中默唸魔咒後冷靜落嚟。
阿凡達心諗，其實Monday可能係第一次申請唔知規矩啫，幫得幾多得幾多啦⋯⋯
「唔⋯咁呀，我幫你盡快做啦，睇下今日老細簽唔簽到啦。」
Monday面露興奮神色
「好呀！我一個小時後回來。」
呢個moment，亞凡達唯有放低啲deadline，即刻幫佢打封信出嚟，然後趁老細返埋位嘅短暫時光，拎入去叫老細即簽。
係，出封信係可以好簡單，但係都要時間做。點解吮風扇都要吮兩個工作天？其實原因好簡單：
「公司請HR返嚟，唔係淨係負責幫你出信㗎。」
圖片來源：阿凡達
WhatsApp查詢