2018年10月，見工奇行種研究所聯同美國等狸子專家，針對地球頻危物種「No Show講唔狸」進行了野外考察，並進行了詳細點算，發現呢種頻危物種已經少到唔知點算。
No Show講唔狸，性格敦厚，具社交責任，每次No Show，均會發出消息講聲唔嚟，其有交帶、懂得尊重別人之習性，深得同伴及人類喜愛。
但考察嘅結果證實了可怕嘅事實，由於現時No Show講唔狸嘅棲息地大多被一種外來物種 — 「No Show唔出猩」入侵佔據，No Show講唔狸嘅野生數目正大幅減少。
專家甚至發現，No Show唔出猩族群日漸壯大之同時，佢地竟散播出一種病毒，令No Show講唔狸被同化為No Show唔出猩，情況之可怕實在令人擔憂。
專家嘗試為其中數隻No Show唔出猩安裝電話追蹤裝置，發現佢地約好咗唔出現嘅機率達99.9%。專家利用裝置發出訊號，亦發現佢地call極都唔應機。
研究結果顯示，No Show講唔狸有非常大嘅可能喺未來一代之內絕種，No Show唔出猩將取而代之成為No Show界嘅霸主。專家表示，No Show唔出猩將為各行各業造成困擾，而HR界將首當其衝。呼籲各國正視有關問題，以免造成互不信任嘅見工生態災難。
圖片內容：台北市立動物園
WhatsApp查詢