做HR幫到人係開心嘅

覺得HR出下糧請下人，唔係咩有意義幫到人嘅工作？問題可能其實只係你點做呢份工，以下係我一個80後HR朋友奇哥嘅真實故事。

早幾年佢喺間傳統到媽媽都唔認得嘅公司做HR，日日淨係同routine嘢博鬥。佢覺得冇挑戰性又冇乜價值，悶悶地佢走去讀Coaching，讀完心諗「今次掂呀，仲唔係我發圍嘅時候？」，點知一嘢就畀傳統呀姐KO咗，話冇時間唔好攪咁多嘢。屈屈不得志嘅奇哥毅然轉工，好慶幸遇到個open mind嘅HR主管。

有一次，話說公司有位副店長呀星表現不似預期，又唔到數又管唔掂條team，於是奇哥奉命落舖同呀星傾計。

奇哥同呀星傾計時運用咗一啲技巧，令呀星發現自己原來有個心態係覺得「Sales就係要囈人買嘢」，而呢個心態直接影響佢行為，所以佢平時sell客好hard sell，好多客畀佢嚇走。喺之後兩個月，奇哥每星期都落舖同呀星傾計，慢慢呀星唔再「囈客」買嘢，改以服務客人為己任。

神奇嘅事喺兩個月後發生，呀星間舖每個月唔單止到數，仲節節上升。到咗今日，呀星仲已經由細舖調大舖，升咗做大舖嘅店長。

平時我地好難去改變一個人，要一個人作出改變，必須要令佢自己意識到改變嘅需要。奇哥就係應用Coaching一啲技巧，令對方自行思考，然後作出正確嘅行動。

呢件事奇哥同我講咗N幾次，因為件事真係令佢好有滿足同成功感。佢唔單止幫到一個同事嘅事業，仲幫埋公司業績，所以邊個話HR淨係個Cost Center？

Coaching運用喺HR工作上，識用可以好好用，MP HR Community將會舉辦一個為HR而設嘅Coaching工作坊，詳盡講解HR的教練式溝通及領導技巧，大家可以嚟同其他HR同行朋友一齊學習交流，請點擊以下連結了解更多。