[HR講座] HR與僱主形象

好幾年前薯苗未熟時，我經常要同隔離部門霞姨一齊做joint interview。霞姨平時造型比較有個人特色，90年代凌亂短髮，衣著99.9%係各式風褸加長褲。面試時，佢習慣成個人挨後喺椅背，屎忽稍為坐前，繞埋雙手，名符其實嘅「老細款」坐姿，再加上佢個寸嘴嘅嘴，經常令candidate帶住hard feeling離開。

記得有一次有一個自信滿滿嘅年輕哥仔，凌厲眼神同唏噓嘅鬚根，一睇就知佢唔怯於霞姨嘅氣勢。去到面試尾聲，大家開始討論expected salary。霞姨毫不客氣咁指出哥仔唔值呢個數，哥仔就據理力爭，青筋暴現，霞姐亦顯露出一種「I don’t fxxking care」嘅氣勢。

雖然最後我打咗圓場，但我諗如果呢位哥仔係高登仔，應該會返屋企上網寫一篇「臭寸HR大戰高登仔」嘅文章，係呀，明明寸嗰個唔係HR。

而家新世代已經唔係為錢幣做奴隸嘅一代，公司就算人工高但形象唔好，都一樣會請唔到人、留唔到人。我地嘅candidate就好似搵理想對象咁，上嚟見工前會google我地嘅僱主形象，睇下有冇不良刻薄員工紀錄；上到嚟會睇下對HR嘅第一印象係點；到真係入到嚟又會睇公司有咩員工友善措施。

形象呢家嘢唔係講緊著件靚啲嘅衫或者化個靚妝咁簡單，仲包括埋溝通技巧、語氣、說話用字、待人態度等等。最難嘅係，點樣先可以令霞姨呢類同事都明白形象嘅重要？

MP HR Community邀請咗曾為多個知名品牌做企業形象顧問嘅專家Angel Pang，為HR設計咗一個《HR與僱主形象》講座，教大家點樣幫HR建立良好僱主形象、同時仲會教大家點樣同其他部門溝通，協助佢作地整理形象。

講座內容:

-僱主形象如何影響挽留人材?

導師簡介:

Angel Pang

-著有《品牌密碼》一書

講座詳情:

報名方法:

接立即參加，加入購物車後於網上填寫報名資料並完成付款。付款後活動門票將以電郵傳送給您，請於活動舉辦場地出示門票進場。