無論你係HR小薯、seniorHR小薯、定係去到HR老細，你都有機會要同人地簽約，只係簽嘅對象可能有啲分別。不過無論你簽嘅對象係超高層定係新丁，總有人係唔能夠留心聽你講嘢。
有啲人唔知係咪因爲返新工尋晚太興奮所以攪到唔夠瞓，簽約嘅時候呆下呆下，反應慢半拍。
「麻煩你對一對合約上面嘅中英文全名⋯」
「⋯⋯」
「喂喂？」
（兩秒後）
「呀⋯⋯係⋯冇錯。」
講到差唔多斷氣，終於解釋完份千字文合約，於是你問佢有冇問題：
「請問有冇嘢想問？」
「我想問⋯試用期要幾耐？」
「唔⋯其實頭先合約第4條講咗係3個月。」
「哦⋯⋯咁通知期呢？好似冇寫喎。」
「唔⋯⋯⋯頭先合約第6條已經講咗咁咁咁⋯⋯」
「哦，明白。咦！咁大假呢？」
「嗚⋯⋯！頭先合約第9條已經講咗，你睇一睇返。」
「哦⋯⋯唔該唔該。」
好啦，你以為事情告一段落，過咗一個星期你又收到佢電話：
「喂HR? 可唔可以check下我辭職要幾耐通知呀？」
「你唔睇返自己份合約？」
「合約？唔知去咗邊喇⋯⋯係呢？可唔可以印返個copy畀我？」
&$@”@XXYZ!!⋯⋯印十份畀你好唔好？
WhatsApp查詢