《我係邪惡HR》新書發佈～

係！我係邪惡HR！畀人講得多，自己都覺係惡魔。HR做嘢企喺公司立場諗，注定被視為邪惡嘅軸心？

好多人問：「HR其實有咩做？」「計糧？唔係掀個掣電腦計嘅咩？」「請人？得閒寸下人幾好玩吖。」「攪活動？即係去玩啦。」「做培訓？咪即係睇住人瞓囉。」，講到有眼耳口鼻都做得，易過做枱面支筆。

其實係咪真係咁邪惡？係咪真係咁易做？不如貼地啲了解下HR薯蓉嘅返工日常，見過見工奇行種、奇形怪狀CV、各式各樣嚇死HR事件之後，你就知HR唔係想像中咁簡單。

《我係邪惡HR》延續HR小薯蓉貼地抵死嘅寫作手法，繼續宣揚HR「改邪歸正」嘅正確理念。了解過HR，你就知佢地其實很溫柔，就算成魔，頂多都係不懂撒嬌的惡魔。

忍咗咁耐，終於可以講出嚟，HR小薯蓉新書《我係邪惡HR》5月16日各大書店正式上架，貼住塊地了解HR世界。